Pwy ydym ni
Mae Cadwch Gymru’n Daclus (“Loteri KWT”) yn Loteri Gymdeithasol Fach sydd wedi ei chofrestru gyda Chyngor Caerdydd, Rhif Trwydded SL0361. Caiff ei hyrwyddo gan Cadwch Gymru’n Daclus, elusen gofrestredig yng Nghymru a Lloegr (1082058) a chwmni cofrestredig (4011164).
Gweinyddir y loteri gan BriteVox Limited, sy’n masnachu fel ZenterPrize (“ZenterPrize”).
Gyda’i gilydd, mae “Ni” yn cyfeirio at Loteri KWT a ZenterPrize ar y cyd.
Rydym yn deall bod eich preifatrwydd yn bwysig i chi ac rydym wedi ymrwymo i ddiogelu preifatrwydd unrhyw un sydd yn rhoi gwybodaeth bersonol i ni, yn cynnwys casglu a phrosesu data personol ar ran ein cleientiaid ac ymwelwyr â’r wefan hon.
Mae’r polisi hwn yn nodi’r ffordd y byddwn yn trin eich gwybodaeth bersonol.
Beth yw gwybodaeth bersonol?
Mae gwybodaeth bersonol yn unrhyw wybodaeth amdanoch chi sy’n eich galluogi i gael eich adnabod. Caiff ei diffinio gan y Reoliad Diogelu Data Cyffredinol (Rheoliad yr UE 2016/679) (“GDPR”) a Deddf Diogelu Data 2018 (DPA) fel ‘unrhyw wybodaeth sy’n ymwneud â pherson y gellir ei adnabod yn uniongyrchol neu’n anuniongyrchol yn arbennig trwy gyfeiriad at ddynodwr’.
Beth sy’n digwydd i’ch data pan fyddwch yn cofrestru i chwarae’r Loteri?
I chwarae Loteri KWT, mae’n rhaid i chi gofrestru trwy ddarparu’r wybodaeth a amlinellir yn ein Rheolau Loteri er mwyn sicrhau bod gofynion Deddf Gamblo 2005 yn cael eu bodloni.
Gofynnir i chi ddarparu:
- Eich enw a’ch cyfeiriad, eich rhif ffôn, a chyfeiriad ebost er mwyn i ni allu dilysu eich bod yn gymwys i gymryd rhan mewn loteri, cadarnhau eich bod wedi eich cynnwys mewn loteri a chysylltu â chi os ydych wedi ennill gwobr.
- Eich dyddiad geni a chadarnhad eich bod dros 18 oed.
- Dewisiadau cyfathrebu optio i mewn.
Os byddwch yn optio i mewn i gyfathrebiadau ychwanegol gan Cadwch Gymru’n Daclus, gallwch ddarllen ein polisi preifatrwydd llawn yma. Gallwch optio i mewn i gyfathrebiadau ychwanegol gan Zenterprize a gallwch ddarllen eu polisi preifatrwydd llawn yma.
Gallwch ddiweddaru eich dewisiadau cyfathrebu unrhyw bryd ar e-bost yn lottery@beautifulwaleslottery.cymru.
Yr hyn y gallwn ddefnyddio eich data personol ar ei gyfer
Gallwn gyrchu a defnyddio eich data personol dim ond at y dibenion yr ydych wedi ei gyflwyno i ni i (a) ddarparu gwybodaeth i chi, (b) gwneud cyswllt â chi, (c) darparu gwasanaethau i chi, neu (d) fodloni ein gofynion cyfreithiol a rheoliadol er enghraifft, fel sy’n ofynnol yn unol â Deddf Gamblo 2005.
Ni fyddwn yn defnyddio eich gwybodaeth bersonol at unrhyw ddibenion nad oes gennym eich caniatâd chi i’w gwneud. Er enghraifft, ni fyddwn yn gwerthu unrhyw ddata personol na’i ddefnyddio at unrhyw ddibenion eraill ar wahân i’r hyn a gytunwyd ac y rhoddwyd caniatâd i’w wneud.
Mewn rhai amgylchiadau cyfyngedig, gall fod angen i ni rannu gwybodaeth bersonol i gydymffurfio â dyletswyddau cyfreithiol neu reoliadol.
Cadw data
Bydd eich data personol yn cael ei gadw tra’ch bod yn chwarae loteri. Byddwn hefyd yn cadw eich hanes talu, eich hanes o gymryd rhan mewn loteri, eich hanes o ennill, ac unrhyw wybodaeth berthnasol arall y gall fod yn rhesymol i ni ei chadw.
Ar ôl y tro olaf y byddwch yn cymryd rhan yn y loteri a’ch trafodyn ariannol olaf, cedwir eich gwybodaeth am 7 mlynedd arall er mwyn sicrhau ein bod yn bodloni ein gofynion rheoliadol, yn cydymffurfio â’n dyletswyddau cyfreithiol, yn cadw cofnodion ariannol a chofnodion eraill cywir, ac yn datrys anghydfodau. Er enghraifft, i alluogi corff rheoliadol i addasu ein gwybodaeth a’n prosesau ariannol.
Ar ôl y cyfnod hwn, bydd eich data personol yn cael ei dileu’n barhaol o’n systemau.
Beth yw eich hawliau?
O dan Ddeddfwriaeth Diogelu Data, mae gennych yr hawliau canlynol, y byddwn bob amser yn gweithio i’w cynnal:
- Yr hawl i gael gwybod am ein gweithgareddau casglu a defnyddio eich data personol.
- Yr hawl i gael gafael ar y data personol sydd gennym amdanoch chi.
- Yr hawl i gywiro eich data personol os yw unrhyw ddata personol sydd gennym amdanoch chi yn anghywir neu’n anghyflawn.
- Yr hawl i gael eich anghofio, h.y. yr hawl i ofyn i ni ddileu neu waredu mewn ffordd arall unrhyw ddata personol sydd gennym amdanoch chi.
- Yr hawl i gyfyngu neu atal eich data personol rhag cael ei brosesu.
- Yr hawl i wrthwynebu i ni’n defnyddio eich data personol at ddiben neu ddibenion penodol.
- Yr hawl i dynnu caniatâd yn ôl. Mae hyn yn golygu, os ydym yn dibynnu ar eich caniatâd fel sail gyfreithiol ar gyfer defnyddio eich data personol, rydych yn rhydd i dynnu’r caniatâd hwnnw yn ôl unrhyw bryd.
- Yr hawl i gludadwyedd data. Mae hyn yn golygu, os ydych wedi rhoi data personol i ni yn uniongyrchol, rydym yn ei ddefnyddio gyda’ch caniatâd chi neu i gyflawni contract, ac mae’r data hwnnw’n cael ei brosesu gan ddefnyddio dulliau awtomataidd, gallwch ofyn i ni am gopi o’r data personol hwnnw i’w ail-ddefnyddio gyda gwasanaeth neu fusnes arall mewn llawer o achosion.
- Hawliau’n ymwneud â gwneud penderfyniadau a phroffilio. Nid ydym yn defnyddio eich data personol yn y ffordd hon.
Am fwy o wybodaeth am ein defnydd o’ch data personol neu ymarfer eich hawliau fel yr amlinellir uchod, cysylltwch â ni yn lottery@beautifulwaleslottery.cymru.
Gellir cael mwy o wybodaeth am eich hawliau o Swyddfa’r Comisiynydd Gwybodaeth (ICO) www.ico.org.uk. Os oes gennych unrhyw achos i gwyno am eich defnydd o wybodaeth bersonol, mae gennych hawl i gwyno i Swyddfa’r Comisiynydd Gwybodaeth (ICO).
Sut a ble rydym yn storio eich data personol?
Rydym yn ymdrin ac yn storio eich data personol yn unol ag arfer gorau y diwydiant ac yn defnyddio trydydd partïon dethol i helpu i ddarparu ein gwasanaethau ar eich cyfer chi ac i gefnogi ein busnes. Er enghraifft, Prosesydd Taliadau i dderbyn taliadau ar gyfer cymryd rhan. Mae pob trydydd parti yr ydym yn ei ddefnyddio hefyd yn gaeth i’r ddeddfwriaeth diogelu data gyffredinol a nodir yn y polisi hwn.
Mae eich data cwsmer yn cael ei gadw ar ein gweinyddion diogel y tu mewn i Ardal Economaidd Ewrop (“EEA”), yn benodol yn y Deyrnas Unedig.
Trwy gofrestru ar y wefan neu anfon eich gwybodaeth bersonol atom ni trwy ddull arall, rydych yn dangos eich caniatâd i’ch gwybodaeth bersonol gael ei storio ar ein gweinyddion yn yr EEA.
Byddwn yn cymryd rhagofalon technegol a sefydliadol rhesymol i atal colli, camddefnyddio neu newid eich gwybodaeth bersonol.
Byddwn yn cyfyngu mynediad i’ch data personol i’r cyflogeion, yr asiantau, y contractwyr a’r trydydd partïon eraill hynny sydd angen gwybod yn gyfreithiol ac yn sicrhau eu bod yn ddarostyngedig i ddyletswyddau cyfrinachedd.
Noder bod trosglwyddo data dros y rhyngrwyd yn anniogel, ac ni allwn warantu diogelwch y data sy’n cael ei anfon dros y rhyngrwyd.
Sut gallwch gael gafael ar eich data personol?
Os ydych eisiau gwybod pa wybodaeth a data personol sydd gennym amdanoch chi, gallwch ofyn i ni am fanylion y data personol hwnnw ac am gopi ohono. Gelwir hwn yn “cais am fynediad at ddata gan y testun”.
Dylid gwneud pob cais am fynediad at ddata gan y testun yn ysgrifenedig a’i anfon ar e-bost lottery@beautifulwaleslottery.cymru. Neu i’n cyfeiriad post (gweler yr adran Cysylltu a Ni isod).
Fel arfer, nid oes unrhyw dâl am gais am fynediad at ddata gan y testun. Os yw eich cais yn ‘amlwg yn ddi-sail neu’n eithafol’ (er enghraifft, os ydych yn gwneud ceisiadau dro ar ôl tro) gellir codi ffi i dalu ein costau gweinyddol yn ymateb.
Byddwn yn ymateb i’ch cais am fynediad at ddata gan y testun o fewn mis o’i dderbyn. Fel arfer, ein nod yw rhoi ymateb cyflawn, yn cynnwys copi o’ch data personol, yn yr amser hwnnw. Mewn rhai achosion, fodd bynnag, yn arbennig os yw eich cais yn fwy cymhleth, gall fod angen mwy o amser hyd at uchafswm o dri mis o ddyddiad derbyn eich cais. Byddwch yn cael gwybod am ein cynnydd.
Data personol plant
Mae’n drosedd i berson o dan 16 oed gymryd rhan mewn loteri. Yn hyn o beth, nid ydym yn cadw data personol unrhyw blentyn.
Gwybodaeth ddefnyddiol arall
Data personol gan ddefnyddwyr y wefan
Byddwn yn caffael gwybodaeth am eich cyfrifiadur a’ch ymweliadau â’n gwefan (gwybodaeth fel cyfeiriad IP, lleoliad daearyddol, math a fersiwn y porwr, system weithredu, ffynhonnell gyfeirio, hyd yr ymweliad, tudalennau a welwyd a gwe-lywio’r wefan)
Byddwn yn defnyddio eich gwybodaeth i
- weinyddu’r wefan;
- gwella eich profiad o bori trwy bersonoli’r wefan;
- galluogi eich defnydd o’r gwasanaethau sydd ar gael ar y wefan;
- rhoi gwybodaeth ystadegol i drydydd partïon am ein defnyddwyr – ond ni chaiff y wybodaeth hon ei defnyddio i adnabod unrhyw ddefnyddiwr unigol
Noder gall ein gwefan gynnwys dolenni i wefannau eraill, ac nid oes gennym unrhyw reolaeth dros y ffordd y caiff eich data ei gasglu, ei storio na’i ddefnyddio gan wefannau eraill. Rydym yn eich cynghori i wirio polisïau preifatrwydd unrhyw wefannau o’r fath cyn rhoi unrhyw ddata iddynt.
Cysylltu â ni
I gysylltu â ni am unrhyw beth i’w wneud a’ch data personol a diogelu data, yn cynnwys gwneud cais am fynediad at ddata gan y testun, defnyddiwch y manylion canlynol
Am ymholiadau diogelu data: cysylltwch â ni:
- Ar e-bost: lottery@beautifulwaleslottery.cymru.
- Drwy’r post: Keep Wales Tidy Lottery, BriteVox Limited, Britevox House, Queensway Business Park, Queensway, Telford, Shropshire, England, TF1 7UL.
Gwybodaeth bersonol os byddwch yn cysylltu â ni yn uniongyrchol:
Caiff y wybodaeth y byddwch yn ei rhoi i ni ei defnyddio i ymdrin a’r ymholiadau a / neu y cwynion a wnaed i ni, neu i roi gwybodaeth yr ydych wedi gwneud cais amdani i chi. Efallai y bydd angen i ni rannu’r wybodaeth hon gyda chleientiaid neu gyflenwyr ZenterPrize os ydych yn cysylltu â ni mewn perthynas â chynnyrch neu wasanaeth yr ydych wedi ei dderbyn ganddyn nhw trwyddom ni, neu os yw eu gweithredoedd wedi peri i chi gysylltu â ni.
Newidiadau i’r polisi preifatrwydd
Gallwn newid y Polisi Preifatrwydd hwn o bryd i’w gilydd. Gallai hyn fod yn angenrheidiol, er enghraifft, os bydd y gyfraith yn newid, neu os byddwn yn newid ein busnes mewn ffordd sy’n effeithio ar ddiogelu data personol. Os byddwn yn gwneud newidiadau, byddwn yn postio manylion y newidiadau ar ein tudalen Hysbysiadau Gwasanaeth.
Diweddarwyd ddiwethaf: 8 Mai 2024